3:14 pm - Tuesday September 19, 2017

காணாமல் ஆக்கப்பட்டோரின் உறவுகளை ஆலய வீதியிலிருந்து விரட்டும் ஆலய நிர்வாகம்!!!

காணா­மல் ஆக்­கப்­பட்ட தமது உற­வு­க­ளைக் கண்­ட­றிந்து தம்­மி­டம் ஒப்­ப­டைக்­கு­மா­று­கோரி அவர்­க­ளது உற­வு­கள் முன்­னெ­டுத்­துள்ள போராட்­டத்தை கிளி­நொச்சி கந்­த­சு­வாமி ஆலய வீதி­யில் தொடர்ந்து நடத்­து­வ­தற்கு சிக்­கல் ஏற்­பட்­டுள்­ளது.

ஆலய வீதியை போராட்­டம் நடத்த வழங்க முடி­யா­துள்­ள­தா­க­வும் அதற்­கான கார­ணத்­தை­யும் நிர்­வாக சபை­யி­னர் போராட்­டத்­தில் ஈடு­பட்­டுள்­ள­வர்­க­ளுக்கு நேற்­றுக் கடி­தம் மூலம் அறி­வித்­த­னர்.

காணா­மல் ஆக்­கப்­பட்­டோ­ரின் உற­வு­க­ளின் போராட்­டம் கிளி­நொச்சி கந்­த­சு­வாமி ஆல­யத்­தின் ஒரு பக்க வீதி­யில் முன்­னெ­டுக்­கப்­ப­டு­கி­றது. இந்­தப் போராட்­டம் நேற்­று­டன் 203 நாள்­களை எட்­டி­யுள்­ளது. இந்த நிலை­யி­லேயே ஆலய நிர்­வா­கம் நேற்று இந்த அறி­விப்பை விடுத்­துள்­ளது.

ஆலய நிர்­வா­கத்­தின் கடி­தத்­தில், “ஆல­யத்­தில் நேற்று இடம்­பெற்ற நிர்­வாக சபைக் கூட்­டத்­தில் எடுக்­கப்­பட்ட முடி­வின் அடிப்­ப­டை­யில், ஆல­யத்­தில் தொடர்ந்து விழாக்­கள் இடம்­பெற உள்­ளன.

கோயில் வீதி­யைப் போராட்­டம் செய்­வ­தற்கு வழங்க முடி­யா­துள்­ளோம் என்று மன­வ­ருத்­தத்­து­டன் அறி­யத் தரு­கின்­றோம்” என்று குறிப்­பி­டப்­பட்­டுள்­ளது.

ஆலய நிர்­வாக தலை­வர் தவிர்ந்த ஏனைய பொறுப்­ப­தி­கா­ரி­க­ளும் நிர்­வாக சபை­யின் உறுப்­பி­னர்­க­ளு­மாக 13 பேர் கடித்­தில் கையெ­ழுத்­திட்­டுள்­ள­னர்.

கடி­தத்­தின் பிர­தி­கள் கிளி­நொச்சி மாவட்­டச் செய­லர், நாடா­ளு­மன்ற உறுப்­பி­னர் சி.சிறி­த­ரன், கரைச்­சிப் பிர­தேச செய­லர், கிளி­நொச்சி நகர கிராம அலு­வ­லர் ஆகி­யோ­ருக்கு வழங்­கப்­ப­டு­வ­தாக அதில் குறிப்­பி­டப்­பட்­டுள்­ளது.

Filed in: இப்படியும்.., செய்திகள், வன்னி

Comments are closed.